உலகக் கோப்பை கால்பந்து : கண்ணீருடன் வெளியேறிய ரொனால்டோ.. போர்ச்சுக்கல், இங்கிலாந்து அவுட்.!

2022 பிஃபா கால்பந்து உலகக்கோப்பை போட்டியானது கத்தார் நாட்டில் நடைபெற்று வருகிறது. இந்த உலகக் கோப்பையில் 32 நாடுகள் பங்கேற்கின்றனர்.

அவை 8 பிரிவுகளாக பிரிக்கப்பட்டு ஒவ்வொரு பிரிவிலும் 4 அணிகள் இடம்பெற்றன. லீக் போட்டிகளின் முடிவில் ஒவ்வொரு பிரிவிலும் முதல் 2 இடங்களை பிடிக்கும் அணிகள் நாக்-அவுட் ரவுண்டான 2-வது சுற்றுக்கு முன்னேறும்.

அதன்படி, நெதர்லாந்து, செனகல், அர்ஜென்டினா, போலந்து, இங்கிலாந்து, அமெரிக்கா, பிரான்ஸ், ஆஸ்திரேலியா, ஜப்பான், ஸ்பெயின், மொராக்கோ, குரோஷியா, பிரேசில், சுவிட்சர்லாந்து, போர்ச்சுக்கல், தென் கொரியா ஆகிய 16 அணிகள் 2 ஆவது சுற்றுக்கு தகுதி பெற்றிருந்தது.

அதனைத் தொடர்ந்து நடைபெற்ற நாக் அவுட் சுற்று போட்டியில் இருந்து காலிறுதி போட்டிக்கு நெதர்லாந்து, குரோஷியா, பிரேசில், அர்ஜெண்டினா, இங்கிலாந்து, பிரான்ஸ், போர்ச்சுகல் மற்றும் மொரோக்கோ ஆகிய 8 நாடுகள் காலிறுதிக்கு தகுதி பெற்றிருந்தது.

இந்த நிலையில் தற்போது உலக கோப்பை கால்பந்து காலிறுதி போட்டிகள் முடிவடைந்தது.

இதில், நேற்று இரவு 8.30 மணிக்கு நடைபெற்ற முதல் காலிறுதிப் போட்டியில் மொரோக்கோ – போர்ச்சுக்கல் அணிகள் மோதின. 1-0 என்ற கணக்கில் மொரோக்கோ அணி வெற்றி பெற்று அரையிறுதிக்கு முன்னேறியது.

அதனைத் தொடர்ந்து நள்ளிரவு 12.30 மணிக்கு நடைபெற்ற கால் இறுதி போட்டியில் பிரான்ஸ் – இங்கிலாந்து அணிகள் மோதின. இதில் 2-1 என்ற கணக்கில் பிரான்ஸ் அணி வெற்றி பெற்று அரையிறுதிக்கு முன்னேறியது.

அதனைத் தொடர்ந்து அரையிறுதி போட்டிகள் நடைபெற உள்ளது.

அதன்படி, டிசம்பர் 14ம் தேதி நள்ளிரவு 12.30 மணிக்கு நடைபெறும் முதல் அரையிறுதி போட்டியில் அர்ஜென்டினா - குரேஷியா அணிகள் மோதுகின்றன.