2023 ஆம் ஆண்டுக்கான ஐபிஎல் போட்டிக்கான மினி ஏலம் நாளை (டிசம்பர் 23ம் தேதி) கொச்சியில் நடைபெற உள்ளது.

இந்தியாவில் நடைபெறும் பிரம்மாண்ட கிரிக்கெட் தொடரான ஐபிஎல் கிரிக்கெட் தொடர் இதுவரை 15 சீசன்கள் முடிவடைந்துள்ளது. இந்த நிலையில் 2023ம் ஆண்டு மார்ச் அல்லது ஏப்ரல் மாதம் 16வது ஐபிஎல் சீசன் தொடங்கவுள்ளது.

கொரோனா நோய்த்தொற்று பரவல் காரணமாக கடந்த 3 சீசன்களாக ரசிகர்கள் அனுமதிக்கப்படாமல் மற்றும் ஐக்கிய அரபு அமீரகத்தில் நடைபெற்றது. இதில், கடந்த 2022 ஆம் ஆண்டு இந்தியாவில் நடைபெற்ற ஐபிஎல் சீசனில் இந்தியாவில் நடந்தாலும் 4 மைதானங்களில் மட்டுமே நடத்தப்பட்டது.

மேலும், அடுத்த சீசனில் வழக்கம் போல சொந்த மற்றும் எதிரணி மைதானங்களில் லீக் போட்டிகள்  நடைபெற உள்ளது குறிப்பிடத்தக்கது.

இந்த நிலையில் ஐபிஎல் 2023 ஆம் ஆண்டுக்கான ஐபிஎல் போட்டிக்கான வீரர்கள் மினி ஏலம் நாளை மதியம் 2.30 மணிக்கு (டிசம்பர் 23ஆம் தேதி) கொச்சியில் நடைபெற உள்ளது.

இந்த நிலையில் ஐபிஎல் மினி ஏலத்தை ஸ்டார் ஸ்போர்ட்ஸ் சேனலில் நேரடியாக ஒளிபரப்பாகிறது. அதேபோல் ஜியோ சினிமா செயலிலும் நேரடி ஒளிபரப்பு செய்யப்படுகிறது. இதில் ஜியோ சினிமா செயலில் பார்ப்பதற்கு எந்தவித கட்டணமும் இல்லை என்பது குறிப்பிடத்தக்கது.

இந்த மினி ஏலத்தில் மொத்தம் 405 வீரர்கள் ஏலம் விடப்பட உள்ளனர். ஆனால் இதில் 87 வீரர்கள் மட்டுமே தேர்வு செய்யப்படுவார். அதில் 30 இடங்கள் வெளிநாட்டை சேர்ந்தவர்களுடையது. மீதி 57 இடங்களுக்கு மட்டுமே இந்திய வீரர்கள் தேர்வு செய்யப்படுவார்கள்.
 

அணியில் மீதமுள்ள இடங்கள் மற்றும் மீதமுள்ள தொகை;

சென்னை சூப்பர் கிங்ஸ் - ரூ 20.45 கோடி (9 இடங்கள்)

மும்பை இந்தியன்ஸ் - ரூ.20.55 கோடி (9 இடங்கள்)

குஜராத் டைட்டன்ஸ் - ரூ 19.25 கோடி (10 இடங்கள்)

டெல்லி கேபிடல்ஸ் - ரூ 19.45 கோடி (7 இடங்கள்)

கொல்கத்தா நைட் ரைடர்ஸ் - ரூ 7.05 கோடி (14 இடங்கள்)

லக்னோ சூப்பர் ஜெயண்ட்ஸ் - ரூ 23.35 கோடி (14 இடங்கள்)

பஞ்சாப் கிங்ஸ் - ரூ 32.2 கோடி (12 இடங்கள்)

ராயல் சேலஞ்சர்ஸ் பெங்களூர் - ரூ 8.75 கோடி (9 இடங்கள்)

ராஜஸ்தான் ராயல்ஸ் - ரூ 13.2 கோடி (13 இடங்கள்)

சன்ரைசர்ஸ் ஹைதராபாத் - ரூ 42.25 கோடி (17 இடங்கள்)