லெஜண்ட்ஸ் லீக் கிரிக்கெட் : சிக்சர்களை பறக்கவிட்ட மோர்ன் வான் விக்!...ஐதராபாத்தை வீழ்த்தி குஜராத் வெற்றி!
Legends League Cricket Morne van Wyk hits sixes Gujarat win over Hyderabad
லெஜண்ட்ஸ் லீக் டி20 கிரிக்கெட் தொடரில் முன்னாள் நட்சத்திர கிரிக்கெட் வீரர்கள் பங்கு பெற்ற
முதல் இரண்டு சீசன்கள் வெற்றிகரமாக நடைபெற்று முடிந்துள்ளது. இந்த தொடரில் இந்தியா கேப்பிடல்ஸ், மணிபால் டைகர்ஸ் அணிகள் தலா ஒரு முறை கோப்பையை வென்றுள்ள நிலையில், இந்த தொடரின் 3வது சீசன் இந்த மாதம் 20-ம் தேதி தொடங்கியது.
இந்நிலையில் நேற்று நடைபெற்ற ஆட்டத்தில் சுரேஷ் ரெய்னா தலைமையிலான டோயம் ஐதராபாத் அணி, ஷிகர் தவான் தலைமையிலான குஜராத் கிரேட்ஸ் அணிகள் மோதின.
முதலில் பேட்டிங் செய்த ஐதராபாத் 20 ஓவர்களில் 7 விக்கெட்டை இழந்து 172 ரன்கள் எடுத்தது.
குஜராத் அணியின் தொடக்க ஆட்டக்காரர்களாக மோர்ன் வான் விக் மற்றும் ஷிகர் தவான் ஆகியோர் களம் இறங்கிய நிலையில், மோர்ன் வான் விக் அதிரடி ஆட்டத்தை வெளிப்படுத்தினார்.
மறுமுனையில் ஐதராபாத்தின் பந்துவீச்சில் சிக்சர்களை பறக்கவிட்ட மோர்ன் வான் விக் சதம் அடித்து அசத்தினார். இறுதியில் குஜராத் அணி 19.3 ஓவர்களில் 2 விக்கெட்டை மட்டும் இழந்து 174 ரன்கள் எடுத்து 8 விக்கெட் வித்தியாசத்தில் அபார வெற்றி பெற்றது.
English Summary
Legends League Cricket Morne van Wyk hits sixes Gujarat win over Hyderabad