ஐ.பி.எல். கிரிக்கெட் தொடரின் பஞ்சாப் அணிக்கு மயங்க் அகர்வால் கேப்டனாக நியமிக்கப்படலாம் என தகவல் வெளியாகி உள்ளது.

ஐ.பி.எல். கிரிக்கெட் போட்டி தொடரில் கடந்த ஆண்டுகளில் பஞ்சாப் அணிக்கு லோகேஷ் ராகுல் கேப்டனாக செயல்பட்டார். இந்த ஆண்டு ஐ.பி.எல். போட்டியில் புதிய அணியான லக்னோ அணிக்கு லோகேஷ் ராகுல் கேப்டனாக நியமிக்கப்பட்டுள்ளார்.

இதானல் பஞ்சாப் அணிக்கு கேப்டனாக யாரை நியமிக்கலாம் என பஞ்சாப் அணி நிர்வாகம் தொடர்ந்து ஆலோசனை மேற்கொண்டு வந்தது. இந்த ஆலோசனையின் அடிப்படையில் பஞ்சாப் அணியின் தொடக்க வீரரான மயங்க் அகர்வால் கேப்டனாக நியமிக்க அணி நிர்வாகம் முடிவெடுத்து உள்ளதாக தகவல் வெளியாகி இருக்கிறது.

இந்த ஆண்டு ஐ.பி.எல். போட்டிகளில் மயங்க் அகர்வாலை பஞ்சாப் அணி நிர்வாகம் தக்க வைத்து கொண்டது குறிப்பிடத்தக்கது. பஞ்சாப் அணியின் கேப்டனாக மயங்க் அகர்வால் நியமிக்கப்பட்டது தொடர்பான அறிவிப்பு இந்த வார இறுதியில் வெளியாகும் என எதிர்பார்க்கப்படுகிறது.

பஞ்சாப் அணியில், ஷிகர் தவான், ஜானி பேர்ஸ்டோவ், ரபாடா உள்ளிட்ட வீரர்கள் உள்ளனர். இதில் ஷிகர் தவான் பெயர் கேப்டனாக அறிவிக்கப்பட வாய்ப்பிருப்பதாக ஏற்கனவே தகவல் வெளியாகி இருந்தது. 

பஞ்சாப் அணியில் கடந்த சீசன்களில் மயங்க் அகர்வால் சிறப்பான ஆட்டத்தை வெளிப்படுத்தி இருந்ததால் அவருக்கு கேப்டன் பொறுப்பு வழங்க அணி நிர்வாகம் முடிவெடுத்து இருப்பதாக தெரிகிறது.