ரஞ்சிக் கோப்பை கிரிக்கெட்! ஜார்கண்ட் அணிக்கு எதிரான ஆட்டத்தில் தமிழகம் தோல்வி.!
Ranji Trophy Tamilnadu Jharkhand match
ரஞ்சி கோப்பை கிரிக்கெட் போட்டியில் ஜார்கண்ட் அணிக்கு எதிரான ஆட்டத்தில் தமிழக அணி தோல்வியை தழுவியது.
38 அணிகள் பங்கேற்கும் ரஞ்சி கோப்பை கிரிக்கெட் போட்டித்தொடர் பல்வேறு நகரங்களில் நடைபெற்று வருகிறது. தமிழக அணி தனது 3வது போட்டியில் ஜார்கண்ட் அணியுடன் மோதியது. இதில் முதலில் பேட்டிங் செய்த தமிழக அணி, பாபா இந்திரஜித் சதமும் சாய் கிஷோர் 81 ரன்களும் எடுக்க முதல் இன்னிங்ஸில் 285 ரன்கள் எடுத்தது.
பின்னர் முதல் இன்னிங்சை ஆடிய ஜார்கண்ட் அணி, சௌரப் திவாரி 58 ரன்களும், உட்கார்ஷ் சிங் 52 ரன்களும் எடுக்க 226 ரன்கள் எடுத்தது.
தமிழக அணி தனது இரண்டாவது இன்னிங்ஸில் இந்திரஜித் 52 ரன்கள் எடுக்க மற்ற வீரர்கள் சொற்ப ரன்களில் ஆட்டமிழந்தனர். இதனால் 152 ரன்களில் சுருண்டது. 212 ரன்களை வெற்றி இலக்காக கொண்டு ஜார்கண்ட் அணி இரண்டாவது இன்னிங்சை விளையடியது.
கேப்டன் சௌரப் திவாரி 93 ரன்களும், குமார் குஷக்ர 50 ரன்களும் எடுக்க 8 விக்கெட்டுகளை இழந்து 214 ரன்களை எடுத்தது. டெல்லி மற்றும் சத்தீஷ்கர் அணிகளுக்கு எதிராக டிரா செய்திருந்த தமிழக அணி ஜார்கண்ட் அணிக்கு எதிராக 2 விக்கட்டுகள் வித்தியாசத்தில் தோல்வையை தழுவி புள்ளி பட்டியலில் மூன்றாம் இடத்தை பிடித்துள்ளது.
English Summary
Ranji Trophy Tamilnadu Jharkhand match