நச்சு வாயுத் தாக்கி 2 பேர் பலி - ஈரோட்டில் சோகம்...!!
2 peoples died for poison gas attack in erode
ஈரோடு மாவட்டத்தில் உள்ள பவானி அருகே லட்சுமி நகர் அடுத்துள்ள கோண வாய்க்கால் பகுதியில் வாட்டர் சர்வீஸ் ஸ்டேஷன் ஒன்று செயல்பட்டு வருகிறது. இந்தக் கடைக்கு போரிக் ஆசிட் டேங்கர் லாரி ஒன்று தூய்மைப்படுத்துவதற்காக கொண்டு வரப்பட்டிருந்தது.
இந்த டேங்கர் லாரியை ஊழியர்களான யுவனேந்தல், சக்திவேல், செல்லப்பன் ஆகியோர் சுத்தம் செய்ய ஆரம்பித்தனர். அப்போது லாரியில் இருந்து வந்த நச்சு வாயுத் தாக்கி திடீரென மூன்று பேரும் மயங்கி விழுந்துள்ளனர். இதைப்பார்த்த அக்கம் பக்கத்தினர் உடனடியாக மூன்று பேரையும் மீட்டு சிகிச்சைக்காக மருத்துவமனைக்கு கொண்டு சென்றனர்.
அங்கு அவர்களை பரிசோதனை செய்த மருத்துவர்கள் இரண்டு பேர் உயிரிழந்ததாகத் தெரிவித்தனர். மூன்றாவது நபர் தற்பொழுது பவானி அரசு மருத்துவமனையில் அனுமதிக்கப்பட்டு தீவிர சிகிச்சைப் பிரிவில் சிகிச்சை பெற்று வருகிறார்.
இந்த சம்பவம் குறித்து தகவலறிந்து வந்த போலீசார் வழக்குப்பதிவு செய்து விசாரணை நடத்தி வருகின்றனர். நச்சு வாயுத் தாக்கி இரண்டு பேர் உயிரிழந்த சம்பவம் அப்பகுதியில் பேரும் சோகத்தை ஏற்படுத்தியுள்ளது.
English Summary
2 peoples died for poison gas attack in erode