#கரூர் : தென்னிலை அருகே கோர விபத்து - 4 பேர் உயிரிழப்பு

கரூர் மாவட்டத்தில் மினி சரக்கு வாகனங்கள் நேருக்கு நேர் மோதிய விபத்தில் நான்கு பேர் உயிரிழந்துள்ளனர்

புதுக்கோட்டை மாவட்டத்தில் குலதெய்வ கோவிலில் வழிபாட்டை முடித்துவிட்டு மினி சரக்கு வாகனத்தில் சிலர் பொள்ளாச்சி கிணத்துக்கடவு நோக்கி சென்று கொண்டிருந்தனர். அப்பொழுது கரூர் மாவட்டம் தென்னிலை அருகே சென்ற போது எதிர்பாராத விதமாக திடீரென எதிரே தார் ஏற்றி வந்த மினி சரக்கு லாரியுடன் மினி சரக்கு வாகனம் நேருக்கு நேர் மோதி விபத்துக்குள்ளானது. இந்த பயங்கர விபத்தில் சம்பவ இடத்திலேயே நான்கு பேர் உடல் நசுங்கி பரிதாபமாக உயிரிழந்துள்ளனர்.

மேலும் மூன்று பேர் காயமடைந்த நிலையில் மீட்கப்பட்டு சிகிச்சைக்காக மருத்துவமனையில் அனுமதிக்கப்பட்டுள்ளனர். இதையடுத்து இந்த விபத்து குறித்து தகவல் அறிந்து வந்த போலீசார் உயிரிழந்தவர்களின் உடல்களை கைப்பற்றி பிரேத பரிசோதனைக்காக மருத்துவமனைக்கு அனுப்பி வைத்தனர். மேலும் இந்த விபத்து குறித்து போலீசார் வழக்கு பதிவு செய்து விசாரணை மேற்கொண்டு வருகின்றனர்.