தஞ்சாவூர் மாவட்டத்தில் உள்ள கும்பகோணம் அருகே கொரநாட்டு கருப்பூர் பகுதியை சேர்ந்த சக்திவேல் என்பவர் கடந்த 30-ந் தேதி தனது குடும்பத்தினருடன் மதுரைக்கு சென்றுள்ளார். இதையடுத்து சக்திவேல் நேற்று அதிகாலையில் வீட்டிற்கு வந்து பார்த்த போது வீட்டின் கதவு உடைக்கப்பட்டு கிடந்துள்ளது.

இதை பார்த்து அதிர்ச்சி அடைந்த அவர் வீட்டின் உள்ளே சென்று பார்த்தபோது அறையில் இருந்த பீரோ திறக்கப்பட்டு அதில் இருந்த ¾ பவுன் நகையும் ரூ.1 லட்சமும் திருட்டு போயிருந்தது தெரிய வந்தது. இதே போன்று கீழகருப்பூர் பகுதியை சோ்ந்த மோகன் என்பவர் தனது குழந்தைகளின் படிப்பிற்காக அம்மாசத்திரம் பகுதியில் குடும்பத்தினருடன் தங்கியுள்ளார்.

இருப்பினும், கீழகருப்பூர் பகுதியில் உள்ள வயலில் விவசாய பணிகளுக்கு அடிக்கடி சொந்த வீட்டிற்கு வந்து சென்றுள்ளார். அதன் படி மோகன் நேற்று கீழகருப்பூர் பகுதியில் உள்ள வீட்டிற்கு வந்துள்ளார். அப்போது வீட்டின் முன்பக்க கதவு உடைக்கப்பட்டு திறந்து கிடந்தது.

இதைப்பார்த்து அதிர்ச்சி அடைந்த மோகன் வீட்டிற்கு உள்ளே அறையில் சென்று பார்த்த போது பீரோவில் இருந்த 4 பவுன் நகைகள் மற்றும் சுமார் 1 கிலோ வெள்ளிப்பொருட்களை மர்ம நபர்கள் திருடி சென்றது தெரிய வந்தது. 

இக சம்பவம் குறித்து அளிக்கப்பட்ட தகவலின் படி கும்பகோணம் போலீசார், திருட்டு நடந்த வீடுகளுக்கு நேரில் சென்று விசாரணை நடத்தினர். மேலும், பாதிக்கப்பட்டவர்கள் அளித்த புகாரின் பேரில் போலீசார் வழக்குப்பதிவு செய்து மர்மநபர்களை வலைவீசி தேடிவருகின்றனர். கும்பகோணம் அருகே வீடுகளில் அடுத்தடுத்து திருட்டு சம்பவம் நடந்துள்ளது பெரும் பரபரப்பை ஏற்படுத்தியுள்ளது.