எல்லைதாண்டி மீன் பிடித்த நான்கு தமிழக மீனவர்கள் கைது.!

சமீப காலமாகவே இலங்கை கடற்படையினர் தமிழக மீனவர்களை சிறைபிடிப்பதையும், விடுதலை செய்வதையும் வழக்கமாக கொண்டுள்ளனர். நாளுக்குநாள், இந்த செயல் அதிகரித்துக்கொண்டே வருகிறது.

இந்நிலையில், நேற்று முன் தினம் நாகை மாவட்டம் கோடியக்கரையிலிருந்து பாண்டியன் என்பவருக்கு சொந்தமான படகில் மயிலாடுதுறை மாவட்டத்தை சேர்ந்த நான்கு மீனவர்கள் கடலுக்கு மீன் பிடிக்கச் சென்றுள்ளனர்.

இவர்கள் கடலில் மீன் பிடித்துக் கொண்டிருந்தபோது ரோந்து பணியில் ஈடுபட்டிருந்த இலங்கை கடற்படை எல்லை தாண்டி மீன் பிடித்ததாகக் கூறி நான்கு தமிழக மீனவர்களையும் கைது செய்துள்ளது.

இலங்கை கடற்படை கைது செய்யப்பட்ட நான்கு பேரையும் காங்கேசம் துறைமுகத்திற்கு அழைத்துச்சென்ற தீவிர விசாரணை மேற்கொண்டு வருவதாக தெரிவிக்கப்படுகிறது..