கடலூர் | உதவி காவல் ஆய்வாளரை கத்தியால் தாக்க முயன்ற நபரால் பரபரப்பு!

கடலூர்; ரெட்டிச்சாவடி அடுத்து உள்ள கீழ்குமாரமங்கலம் பகுதியில் வாலிபர் ஒருவர் கத்தியுடன் நின்று கொண்டு அந்த வழியாக செல்லும் பொது மக்களை தடுத்து நிறுத்தி மிரட்டி உள்ளார்.

இதனை அறிந்த, ரெட்டிச்சாவடி உதவி காவல் ஆய்வாளர் ஆறுமுகம் சம்பவ இடத்திற்கு விரைந்து சென்றுள்ளார்.

பின்னர் கத்தியுடன் இருந்த வாலிபரை பிடித்து விசாரிக்க முயன்ற பொது அந்த வாலிபர் திடீரென்று உதவி காவல் ஆய்வாளர் ஆறுமுகத்தை கத்தியால் தாக்க முயன்றுள்ளார்.

மேலும், வேலையை செய்ய விடாமல் தடுத்து கொலை மிரட்டல் விடுத்துள்ளார். இதனை தொடர்ந்து அந்த வாலிபரை பிடித்து விசாரணை நடத்திய போது, அவர் புதுச்சேரி மாநிலம் கரிக்கலாம்பாக்கத்தை சேர்ந்த சக்தி (வயது 30) என்பது தெரியவந்தது.

இது குறித்து ரெட்டிச்சாவடி போலீசார் சக்தி மீது வழக்கு பதிவு செய்து உடனடியாக கைது செய்தனர்.