#BREAKING : அரசுப் பள்ளிகளில் LKG & UKG வகுப்புகள் தொடர்ந்து செயல்படும் - பள்ளிக்கல்வித்துறை.!
LKG and UKG continue in tamilnadu govt school
அரசு பள்ளிகளில் எல்கேஜி, யுகேஜி வகுப்புகள் தொடர்ந்து செயல்படும் என பள்ளிக்கல்வித் துறை அமைச்சர் அன்பில் மகேஷ் பொய்யாமொழி தெரிவித்துள்ளார்.
தமிழகத்தில் கடந்த 2018ம் ஆண்டு முதல் 2,381 அரசு பள்ளிகளில் எல்கேஜி, யுகேஜி வகுப்புகள் தொடங்கப்பட்டு நடத்தப்பட்டு வருகிறது. இந்த நிலையில் எல்கேஜி, யுகேஜி வகுப்புகள் நடப்பு கல்வியாண்டு முதல் மூடப்பட்டு மாணவர் சேர்க்கை நிறுத்தப்படுவதாக தமிழக பள்ளிக்கல்வித் துறை அறிவித்திருந்தது.
இதற்கு அரசியல் கட்சி தலைவர்கள் மற்றும் பல்வேறு தரப்பினரும் எதிர்ப்பு தெரிவித்தனர். இந்த நிலையில் அரசு பள்ளிகளில் எல்கேஜி, யுகேஜி வகுப்புகள் தொடர்ந்து செயல்படும் என பள்ளிக்கல்வித் துறை அமைச்சர் அன்பில் மகேஷ் பொய்யாமொழி அறிவித்துள்ளார்.
மேலும், எல்கேஜி, யுகேஜி வகுப்புகளுக்கு தகுதியான சிறப்பாசிரியர்கள் தேவைக்கேற்ப நியமிக்கப்படுவார் என்றும் அவர் தெரிவித்துள்ளார். பல்வேறு தரப்பு கோரிக்கையினை ஏற்று தமிழக முதலமைச்சர் மு க ஸ்டாலின் அறிவுரைக்கிணங்க வகுப்புகள் தொடர்ந்து செயல்படும் என பள்ளிக்கல்வித் துறை அமைச்சர் அன்பில் மகேஷ் பொய்யாமொழி தெரிவித்துள்ளார்.
English Summary
LKG and UKG continue in tamilnadu govt school