ஓரே பேனரில் ஈபிஎஸ்-மு.க ஸ்டாலின்.. கட்சி தொண்டர்களின் அட்ராசிட்டி..!!

தமிழகத்தில் திமுக மற்றும் அதிமுகவிற்கு இடையேயான அரசியல் போர் தான் நடைபெற்று வருகிறது. தற்போது தமிழக முதல்வர் மு.க.ஸ்டாலினுக்கு எதிராக எதிர்க்கட்சி வரிசையில் இருக்கும் அதிமுக தினம் ஒரு குற்றச்சாட்டை முன் வைத்து வருகிறது.

இதற்கு முன்பெல்லாம் எம்.ஜி.ஆர், ஜெயலலிதா மற்றும் கருணாநிதி இருவரும் உயிருடன் இருந்தவரை திமுக, அதிமுகவினர் பொது விசேஷங்களில் சந்தித்துக் கொண்டால் கூட பேசிக்கொள்ளாமல் புறப்பட்டுச் சென்று விடுவார்கள். 

ஆனால், தற்போது உளுந்தூர்பேட்டை பகுதியில் வவருகிற14-ம் தேதி நடக்க இருக்கும் திருமணத்திற்கு வரவேற்பு அளித்து கீரனூர் காலனி பகுதியைச் சேர்ந்த திமுக மற்றும் அதிமுகவினர் ஒன்றுச் சேர்ந்து பேனர் வைத்துள்ளனர். 

இந்த பேனரின் புகைப்படம் தற்போது வைரலாகி வருகிறது. அதில், :முழு நீளப் படமாக இடதுபுறம் மு.க.ஸ்டாலினும், வலது புறம் எடப்பாடி பழனிசாமியும் உள்ளனர். மேலும், முன்னாள் முதல்வர்கள் கருணாநிதி மற்றும் ஜெயலலிதா படங்களும் இடம்பெற்றுள்ளன. 

பேனரின் இரண்டு பக்கங்களிலும் அண்ணா, பெரியார், அம்பேத்கர் உள்ளிட்டவர்களின் படங்களும் இடம்பெற்றுள்ளன. மாநிலத்தில் திமுக, அதிமுகவினர் எதிர் எதிர் திசையில் இருக்கும்போது தற்போது, இரு பிரிவினரும் சேர்ந்தே ஃப்ளெக்ஸ் அடித்து இருப்பதை அப்பகுதி வழியாகச் செல்வோர் ஆச்சரியத்துடன் பார்த்துச் செல்கின்றனர்.