சிறுமியைக் கடத்தி திருமணம் - விசாரணையில் சிக்கிய நேபாள வாலிபர்.!!
nepal youth arrested for girl kidnappe in erode
ஈரோடு மாவட்டத்தில் உள்ள நூற்பாலையில் அசாம் மாநிலத்தை சேர்ந்த ஒரு தம்பதி தனது மகளுடன் தங்கி வேலை செய்து வருகின்றனர். இதே நூற்பாலையில் நேபாளம் நாட்டை சேர்ந்த உபேந்தர் என்ற வாலிபரும் வேலை செய்து வந்தார். இந்த நிலையில் அசாம் மாநிலத்தை சேர்ந்த தம்பதியின் மகளுக்கும் உபேந்தருக்கும் இடையே பழக்கம் ஏற்பட்டது.
இதனை தனக்கு சாதகமாக பயன்படுத்திய உபேந்தர் சிறுமியை திருமணம் செய்துகொள்வதாக ஆசைவார்த்தை கூறி கடத்தி சென்றுவிட்டார். இதுகுறித்து சிறுமியின் பெற்றோர் கருங்கல்பாளையம் போலீசில் புகார் அளித்தனர். அதன் படி போலீசார் விசாரணை நடத்தி வந்தனர்.
அதில், உபேந்தர் சிறுமியை இமாச்சல பிரதேசத்துக்கு கடத்தி சென்றது தெரியவந்தது. இதையடுத்து போலீசார் இமாச்சல பிரதேசத்துக்கு விரைந்து சென்று சிறுமியை மீட்டனர். மேலும் உபேந்தரிடம் போலீசார் விசாரணை நடத்தியதில், அவர் சிறுமியை கடத்தி சென்று திருமணம் செய்தது தெரியவந்தது. தொடர்ந்து போலீசார், குழந்தை திருமண தடுப்பு சட்டத்தின் கீழ் வழக்குப்பதிவு செய்து உபேந்தரை கைது செய்தனர். இந்தச் சம்பவம் அப்பகுதியில் பெரும் பரபரப்பை ஏற்படுத்தியுள்ளது.
English Summary
nepal youth arrested for girl kidnappe in erode