என்னை மன்னிச்சிடுங்க மோடி ஜி. உங்களை தலைகுனிய வைச்சிட்டேன் - தமிழக பாஜக வேட்பாளர் கண்ணீர்!

நடந்து முடிந்த மக்களவைப் பொதுத் தேர்தலில் மத்திய சென்னை தொகுதியில் போட்டியிட்ட பாஜக வேட்பாளர் வினோஜ் பி செல்வம் தோல்வியடைந்த நிலையில், பிரதமர் மோடியை மோடியிடம் தன்னை மன்னித்துக் கொள்ளுமாறு உருக்கமான பதிவு ஒன்றை எக்ஸ் பக்கத்தில் விடுத்துள்ளார்.

மத்திய சென்னை தொகுதியில் பாஜக சார்பாக போட்டியிட்ட வேட்பாளர் வினோஜ் பி செல்வம் ஒரு லட்சத்து 68 ஆயிரத்து 59 வாக்குகளை பெற்று இரண்டாம் இடம் பிடுத்துள்ளார்.

அவரை எதிர்த்து போட்டியிட்ட திமுக வேட்பாளர் தயாநிதி மாறன் 4, 12,000 வாக்குகள் பெற்று அபார வெற்றியை பதிவு செய்துள்ளார்.

அதிமுக கூட்டணி சார்பாக போட்டியிட்ட தேமுதிக வேட்பாளர் 71 ஆயிரம் வாக்குகளை பெற்று மூன்றாம் இடம் பிடித்துள்ளார்.

இந்நிலையில், தனது தோல்வி குறித்து பாஜக வேட்பாளர் வினோஜ் பி செல்வம் தனது எக்ஸ் பக்கத்தில் வெளியிட்டுள்ள உருக்கமான பதிவில், "என்னை மன்னிச்சிடுங்க மோடி ஜி. உங்களை தலைகுனிய வைச்சிட்டேன். தொடர்ந்து போராடி உங்களின் திட்டங்களை மக்களிடம் கொண்டு செல்வேன்.

மாற்றம் வெகு தொலைவில் இல்லை. திமுகவுக்கு எதிராக கணிசமான வாக்கு சதவீதத்தைப் பெற்றுள்ளோம் மத்திய சென்னையின் ஒவ்வொரு பாஜக காரியகர்த்தாவுக்கும் நான் நன்றி. ஜெய் பாஜக" என்று பதிவிட்டுள்ளார்.