புதுக்கோட்டை | துடிதுடித்து பலியான 2 ஊராட்சி மன்ற தலைவர்கள்!
Pudukottai Village President Death in accident
புதுக்கோட்டை அருகே லாரி மீது கார் மோதிய விபத்தில் இரண்டு ஊராட்சி மன்ற தலைவர்கள் பலியாகியுள்ளனர்.
புதுக்கோட்டை மாவட்டம், விராலிமலை அடுத்த வானதிராயன்பட்டி பகுதியில், லாரி மீது கார் மோதி கொடூர விபத்து நடந்துள்ளது.
முதல்கட்ட தகவலின்படி, சாலையோரம் நிறுத்தி வைக்கப்பட்டிருந்த லாரி மீது, கட்டுப்பாட்டை இழந்த கார் மோதியதில், ஊராட்சி மன்ற தலைவர்கள் கருப்புசாமி, அபிமன்யு சம்பவ இடத்திலேயே உயிரிழந்துள்ளனர்.
விருதுநகர் மாவட்டம் சங்கமம் நாச்சியார்புரம் ஊராட்சி மன்ற தலைவரும், சிவகாசி மாவட்டம், கிருஷ்ணகிரி ஊராட்சி மன்ற தலைவரும் இந்த விபத்தில் உயிரிழந்துள்ளனர்.
மேலும் இந்த விபத்தில் காயமடைந்த இரண்டு ஊராட்சி மன்ற தலைவர்கள் உள்ளிட்ட நான்கு பேர் மருத்துவமனையில் சிகிச்சைக்காக அனுமதிக்கப்பட்டுள்ளனர்.
இந்த விபத்து சம்பவம் குறித்து போலீசார் வழக்கு பதிவு செய்து தீவிர விசாரணைகள் மேற்கொண்டு வருகின்றனர்.
விபத்து காரணமாக சிறிது நேரம் போக்குவரத்து நெரிசல் ஏற்பட்டது. இந்த விபத்தில் ஊராட்சி மன்ற தலைவர்கள் உயிரிழந்த சம்பவம் பொதுமக்கள் மத்தியில் சோகத்தையும் ஏற்படுத்தியுள்ளது
English Summary
Pudukottai Village President Death in accident