நெமிலி ஊராட்சி ஒன்றிய தலைவராக திமுகவை சார்ந்த வடிவேலு என்பவர் தேர்வு செய்யப்பட்டுள்ளார். 

தமிழகத்தில் நடைபெறாமல் இருந்த 9 மாவட்டங்களுக்கான ஊரக உள்ளாட்சி தேர்தல் மற்றும் பிற மாவட்டங்களில் காலியாக இருந்த ஊரக உள்ளாட்சி இடைத்தேர்தல் அக்.6 மற்றும் அக்.9 ஆகிய தேதிகளில் இரண்டு கட்டமாக நடைபெற்று முடிந்தது. இந்த தேர்தலின் முடிவுகள் அக்.12 ஆம் தேதி வெளியானது. 

இதனையடுத்து, அக். 22 ஆம் தேதி ஊரக உள்ளாட்சிகளின் பிரதிநிதிகள் மறைமுக தேர்தல் வாயிலாக ஊராட்சி ஒன்றிய தலைவர், துணை தலைவரை தேர்வு செய்யும் தேர்தல் நடந்தது. இந்த தேர்தலில் பெரும்பாலான இடங்களுக்கு வெற்றியாளர்கள் அறிவிக்கப்பட்ட நிலையில், பிரச்சனை நடந்த இடங்களில் தேர்தல் நிறுத்தி வைக்கப்பட்டது. அந்த வகையில், இராணிப்பேட்டை மாவட்டத்தில் உள்ள நெமிலி ஊராட்சி ஒன்றிய தலைவர் மறைமுக தேர்தல் ஒத்திவைக்கப்பட்டது. 

இந்நிலையில், நீதிமன்ற உத்தரவை தொடர்ந்து நிறுத்திவைக்கப்பட்டு இருந்த நெமிலி ஊராட்சி ஒன்றிய மறைமுக தேர்தல் இன்று மீண்டும் நடைபெற்றது. பதற்றத்தை தணிக்கும் பொருட்டு காவல் துறையினர் பலத்த பாதுகாப்பு ஏற்படுத்தப்பட்டு, மறைமுக தேர்தல் நடைபெற்றது. இந்த மறைமுக தேர்தலில் ஊராட்சி ஒன்றிய தலைவராக திமுகவை சார்ந்த வடிவேலு என்பவர் தேர்வு செய்யப்பட்டுள்ளார். 

Tamil online news Today News in Tamil

பொது எச்சரிக்கை: கொரோனா வைரஸ் பரவல் அதிகரித்து வருவதால், முகக்கவசம் அணிந்து தனிமனித இடைவெளியை கடைபிடியுங்கள். வெளியே சென்று வீட்டிற்குள் செல்லும் முன்னர் கை, கால்களை சுத்தம் செய்துகொள்ளுங்கள்.