தமிழக முதல்வர் மு.க ஸ்டாலின் தலைமையில் இன்று காலை சிறப்புத் திட்ட செயலாக்கத்துறை, சாலைகள் மற்றும் பாலங்கள் தொடர்பான ஆய்வுக் கூட்டம் சென்னை தலைமைச் செயலகத்தில் உள்ள நாமக்கல் கவிஞர் மாளிகையின் 10வது தளத்தில் நடைபெற்றது.

இந்த கூட்டத்தில் அமைச்சர்கள் கே.என்.நேரு, எ.வ.வேலு, உதயநிதி ஸ்டாலின், தங்கம் தென்னரசு, ஐ.பெரியசாமி ஆகிய 5 அமைச்சர்கள் கலந்து கொண்டனர். இவர்களுடன் தலைமைச் செயலாளர் சிவ்தாஸ் மீனா உள்ளிட்ட துறை செயலாளர்கள், அதிகாரிகள் கலந்து கொண்டனர்.

இந்த நிலையில் தமிழக முதல்வர் மு.க.ஸ்டாலின் சென்னை கிரீம்ஸ் சாலையில் உள்ள அப்போலோ மருத்துவமனையில் திடீரென அனுமதிக்கப்பட்டுள்ளார். இன்று காலை நடைபெற்ற சிறப்பு திட்டங்கள் செயலாக்கத்துறை ஆலோசனை கூட்டத்தில் முதல்வர் மு.க ஸ்டாலின் கலந்துகொண்டு ஆலோசனை வழங்கிய நிலையில் திடீரென அப்போலோ மருத்துவமனையில் அனுமதிக்கப்பட்டுள்ளார்.

தமிழக முதல்வர் ஸ்டாலின் வழக்கமான உடல் பரிசோதனைக்காக போரூர் ராமச்சந்திரா மருத்துவமனைக்கு செல்லும் நிலையில் அப்போலோ மருத்துவமனையில் அனுமதிக்கப்பட்டிருப்பது பெரும் பரபரப்பை ஏற்படுத்தி உள்ளது. இந்த நிலையில் முதல்வர் மு.க ஸ்டாலினுக்கு மேற்கொள்ளப்படும் வழக்கமான மருத்துவ பரிசோதனைக்காக தான் அப்போலோ மருத்துவமனையில் அனுமதிக்கப்பட்டுள்ளதாக முதற்கட்ட தகவல் வெளியாகி உள்ளது.