தமிழக பள்ளி மாணவ- மாணவியர்களுக்கு சூப்பர் செய்தி - அதிரடியாக வெளியான அரசாணை.!

தமிழக பள்ளிக் கல்வித்துறையின் 23 வகையான சான்றிதழ்களை இனி இ-சேவை மையம் மூலமாக பெற்றுகொள்ளலாம் என்று அரசாணை பிறப்பிக்கப்பட்டுள்ளது.

பள்ளிக் கல்வித்துறையின் 23 வகையான சான்றிதழ்களை இ-சேவை மையம் மூலமாக பெற்றுக்கொள்வதற்கு, சட்டப்பேரவையில் அமைச்சர் வெளியிட்ட அறிவிப்பை அமல்படுத்தும் வகையில் பள்ளிக் கல்வித்துறை அரசாணை வெளியிட்டுள்ளது.

மதிப்பெண் சான்றிதழ், இணைக் கல்வி சான்றிதழ் உள்ளிட்ட 23 வகையான சான்றிதழ்களை இனி இ-சேவை மூலம் விண்ணபித்து பெறலாம் என்று பள்ளிக் கல்வித்துறை அந்த அரசாணையில் தெரிவித்துள்ளது.

இதற்கிடையே, உயர்கல்வி, வேலை வாய்ப்புகள் குறித்து 9-ம் வகுப்பு முதல் 12ம் வகுப்பு வரை உள்ள மாணவர்களுக்கு ஆலோசனைகள், வழிகாட்டுதல்கள் வழங்குவதற்காக ஆலோசனை மையம் அமைக்கப்படும் என்று தமிழ்நாடு அரசு அறிவித்துள்ளது.