சென்னை வானிலை ஆய்வு மையம் விடுத்துள்ள அறிவிப்பில், நேற்று (08-04-2025) தென்மேற்கு மற்றும் மத்தியமேற்கு வங்கக்கடலில் இருந்த ஆழ்ந்த காற்றழுத்த தாழ்வு பகுதி, இன்று காலை (08.30 மணி) மத்தியமேற்கு மற்றும் அதனை ஒட்டிய தென்மேற்கு பகுதியில் நிலவுகிறது.

இது 12 மணி நேரத்தில் வடக்கு திசையில் நகர்ந்து, அடுத்த 24 மணி நேரத்தில் வடக்கு-வடகிழக்குத் திசையில் நகர்ந்து படிப்படியாக வலுக்குறைந்துவிடும் என எதிர்பார்க்கப்படுகிறது. மேலும், மத்தியமேற்கு வங்கக்கடலிலிருந்து தென் தமிழக வரையிலான வளிமண்டல சுழற்சி நிலவுகிறது.

மழை முன்னறிவிப்பு 09-04-2025 & 10-04-2025:

தமிழகத்தின் சில இடங்கள், புதுச்சேரி, காரைக்கால் பகுதிகளில் இடி, மின்னல், பலத்த காற்றுடன் லேசானது முதல் மிதமான மழை.

கோயம்புத்தூர் மலைப்பகுதி, நீலகிரி, தேனி, தென்காசியில் சில இடங்களில் கன மழை.

11-04-2025 & 12-04-2025:

தமிழகத்தின் சில இடங்களில் இடி, மின்னலுடன் மிதமான மழை.

13-04-2025 முதல் 15-04-2025 வரை:

ஓரிரு இடங்களில் லேசானது முதல் மிதமான மழை.

வெப்பநிலை முன்னறிவிப்பு (09-04-2025 – 11-04-2025)

சில இடங்களில் அதிகபட்ச வெப்பநிலை 2–3°C வரை அதிகரிக்கக்கூடும்.அதிக ஈரப்பதத்துடன் வெப்பம் அதிகமாக இருக்க வாய்ப்பு, சில இடங்களில் அசௌகரியம் ஏற்படலாம்.

சென்னை மற்றும் புறநகர் வானிலை
09-04-2025: மேகமூட்டம். வெப்பநிலை: 35-36°C (அதிகபட்சம்), 27-28°C (குறைந்தபட்சம்).
10-04-2025: மேகமூட்டம். வெப்பநிலை: 36-37°C (அதிகபட்சம்), 27-28°C (குறைந்தபட்சம்).

மீனவர்களுக்கு எச்சரிக்கை
தமிழக கடலோரம் & குமரிக்கடல் பகுதிகள்:

10-04-2025 முதல் 13-04-2025: சூறாவளிக்காற்று 35-45 கிமீ/மணி வேகத்திலும், இடையிடையே 55 கிமீ வரை வீசலாம். கடலில் செல்ல வேண்டாம்.

வங்கக்கடல் பகுதிகள்:

09-04-2025 – 11-04-2025: மத்தியமேற்கு, தென்மேற்கு பகுதிகளில் வேகமான காற்று வீசக்கூடும்.

12-04-2025 & 13-04-2025: எச்சரிக்கை இல்லை.

அரபிக்கடல்: எச்சரிக்கை இல்லை.