குவாத்தமாலா: வீட்டில் சமையலறையில் ஏற்பட்ட பயங்கர தீ விபத்து.! ஒரே குடும்பத்தை சேர்ந்த 12 பேர் பலி.!

குவாத்தமாலாவில் வீட்டின் சமையலறையில் ஏற்பட்ட பயங்கர தீ விபத்தில் ஒரே குடும்பத்தை சேர்ந்த 12 பேர் உயிரிழந்துள்ளனர்.

மத்திய அமெரிக்க நாடான குவாத்தமாலாவில் மக்டலேனா மில்பஸ் அல்டாஸில் உள்ள ஒரு வீட்டின் சமையலறையில் திடீரென தீ விபத்து ஏற்பட்டுள்ளது. தீயானது கொழுந்து விட்டு எரிந்து அனைத்து இடங்களுக்கும் பரவ தொடங்கியுள்ளது.

இதையடுத்து இந்த தீ விபத்து குறித்து தகவல் அறிந்து வந்த தீயணைப்பு வீரர்கள் தீயை அணைக்கும் பணியில் ஈடுபட்டனர். இந்த தீ விபத்தில் ஒரே குடும்பத்தை சேர்ந்த 12 பேர் உடல் கருகி உயிரிழந்துள்ளனர்.

இதில் 4 மாத குழந்தை முதல் 14 வயதுடைய சிறுவர்கள் சிறுமிகள் என 6 பேரின் உடல்கள் கண்டெடுக்கப்பட்டுள்ளன. மேலும் இந்த தீ குறித்து அதிகாரிகள் விசாரணை நடத்தி வருகின்றனர்.