அமெரிக்கா நாட்டில் உள்ள கலிபோர்னியா மாகாணத்தில் துலாரே நகரில் ஒரு வீட்டில் துப்பாக்கி சூடு நடைபெற்றது. இது குறித்து தகவல் அறிந்த போலீசார் சம்பவ இடத்திற்கு விரைந்து சென்றனர்.
 
அங்கு ஆறு மாத குழந்தை உள்பட ஆறு பேர் சுட்டுக் கொல்லப்பட்டு பிணமாக கிடந்தனர். மேலும், சிலர் காயம் அடைந்து கிடந்தனர். அவர்களை மீட்டு மருத்துவமனையில், அனுமதித்தனர். இது தொடர்பாக போலீசார் தெரிவித்ததாவது, "குழந்தையையும், அவருடைய 17 வயது தாயையும் தலையில் சுட்டுள்ளனர். 

இந்தத் தாக்குதலில் போதை பொருள் கும்பல் ஈடுபட்டு இருக்கலாம் என்று சந்தேகம் உள்ளது. இந்தத் தாக்குதலில் இரண்டு பேர் ஈடுபட்டுள்ளனர். இது தற்செயலான தாக்குதலாக நடத்தப்படாமல், ஒரு குடும்பத்தை குறிவைத்து நடத்தப்பட்டுள்ளது. 

ஏனென்றால், இந்த வீட்டில் கடந்த வாரம் போதை பொருள் தொடர்பான விசாரணையை போலீசார் மேற்கொண்டிருந்தனர். இதற்கு முன்பு, புளோரிடாவின் போர்ட் பியர்ஸ் பகுதியில் நடந்த மார்டின் லூதர்கிங் தின விழாவில் ஏராளமானோர் கலந்து கொண்டனர். 

அப்போது மர்ம நபர்கள் அந்தக் கூட்டத்தினரை நோக்கி துப்பாக்கியால் சுட்டனர். இதில் எட்டு பேர் காயமடைந்தனர். அவர்களை அருகிலிருந்தவர்கள் மீட்டு மருத்துவமனையில் அனுமதித்தனர். இரண்டு கோஷ்டிகளுக்கு இடையே ஏற்பட்ட வாக்குவாதத்தினால் இந்த துப்பாக்கி சூடு நடைபெற்றதாக போலீசார் தெரிவித்தனர்.