ரஷ்யா-உக்ரைன் போர் : இந்திய தேசியக்கொடியை பயன்படுத்திய பாகிஸ்தான் மாணவர்கள்.!

ரஷ்யா-உக்ரைன் நாட்டின் மீது தொடர்ந்து 7வது நாளாக தாக்குதலை நடத்தி வருகிறது. இதற்கு உக்ரைன் ராணுவ வீரர்களும் பதிலடி கொடுத்து வருகின்றனர்.

இந்த நிலையில் நேற்று ரஷ்யா ராணுவம் நடத்திய தாக்குதலில் கர்நாடக மாநிலத்தைச் சேர்ந்த நவீன் என்ற மாணவர் உயிரிழந்ததை இந்திய வெளியுறவுத்துறை உறுதி செய்தது.

இந்தநிலையில் உக்ரைனில் உள்ள இந்தியர்களை மீட்க மத்திய அரசு தீவிர நடவடிக்கைகளை எடுத்து வருகிறது.

இந்நிலையில் ரஷ்யா-உக்ரைன் நாடுகளுக்கிடையேயான போரில் பாகிஸ்தான் ரஷ்யாவிற்கு ஆதரவு தெரிவித்துள்ளது குறிப்பிடத்தக்கது.

இந்த நிலையில் உக்ரைனில் இருந்து தங்கள் நாட்டிற்கு பாதுகாப்பாக செல்ல வேண்டிய பாகிஸ்தான் மாணவர்கள் இந்தியாவின் தேசியக் கொடியை பயன்படுத்தி நாடு திரும்பியுள்ளதாக தகவல் வெளியாகியுள்ளது.