தெலுங்கு சினிமாவின் முன்னணி நடிகராக இருப்பவர் நாகார்ஜுனா. இவரது இரண்டாவது மகன் அகில் அக்கினேனி நடித்துக் கொண்டிருக்கும் படம் ஏஜென்ட். இத்திரைப்படத்தில் முக்கியமான கதாபாத்திரத்தில் மலையாள சூப்பர் ஸ்டார் மம்முட்டி நடிக்கிறார். 

ஏஜென்ட் திரைப்படம் மிகுந்த எதிர்பார்ப்புடன் தெலுங்கில் உருவாகி வரும் ஒரு திரைப்படம். ஹிப்-பாப் தமிழா இசையமைத்திருக்கும் இந்த திரைப்படத்தை சுரேந்தர் ரெட்டி என்பவர் இயக்கி இருக்கிறார். இத்திரைப்படத்தின் ட்ரெய்லர் சில மாதங்களுக்கு முன்பு வெளியாகி இதுவரை 19 மில்லியன் பார்வையாளர்களை கடந்திருக்கிறது என்பது குறிப்பிடத்தக்கது.

இத்திரைப்படத்தின் படப்பிடிப்பு தற்போது மும்முரமாக நடைபெற்றுக் கொண்டிருக்கிறது. அப்போது படப்பிடிப்பு தளத்தை பார்வையிட வந்த ஹீரோவின் தந்தையும் தெலுங்கு சினிமாவின் முன்னணி நடிகர் நாகார்ஜுனா, தனது நண்பரும் மலையாள சூப்பர் ஸ்டாரான மம்முட்டியுடன் சிரித்துப் பேசி மகிழ்ந்து அவரிடம் இருந்த பொழுதை மிகவும் உற்சாகமாக கொண்டாடி இருக்கிறார் நாகர்ஜுனா.

இது தொடர்பான வீடியோ தற்போது சமூக வலைதளங்களில் பரவி வைரலாகி இருக்கிறது. இரண்டு மொழிகளிலும் இருக்கும் மிகப்பெரிய ஸ்டார்கள் தங்களது இமேஜ் மற்றும் ஈகோ என எதுவும் இல்லாமல் நண்பர்களாக சிரித்துப் பேசி மகிழும் அந்த வீடியோவை தெலுங்கு மற்றும் மலையாள ரசிகர்கள் கொண்டாடி வருகின்றனர். இந்த வீடியோ தான் தற்போது இணையதளத்தில் மிகப்பெரிய ஹிட்டாக இருக்கிறது. தெலுங்கு சினிமாவின் சூப்பர் ஸ்டார் நாகார்ஜுனா மற்றும் மலையாள சினிமாவின் மெகா ஸ்டார் மம்முட்டி இருவரும் சிரித்து பேசி மகிழும் அந்த வீடியோவை ரசிகர்கள் கொண்டாடி  வருகின்றனர்.