தமிழ் சினிமாவில் ஐயா திரைப்படத்தின் மூலமாக ஹீரோயினாக அறிமுகமானவர் தான் நடிகை நயன்தாரா. அதன்பின்னர் அவர் சந்திரமுகியில் நடிகர் ரஜினிக்கு ஜோடியாக நடித்திருந்தார். ரஜினியுடன் நடித்தது தொடர்ந்து நயன்தாராவின் மார்க்கெட் உயர ஆரம்பித்தது.

அதன்பிறகு தல அஜித் மற்றும் தளபதி விஜய் உள்ளிட்ட முன்னணி நடிகர்களுடன் நயன்தாரா ஜோடி போட ஆரம்பித்தார். ஒரு காலகட்டத்தில் ஹீரோயினாக நடிப்பதை விடுத்து நயன்தாரா ஹீரோயின்களுக்கு முக்கியத்துவம் வாய்ந்த கதாபாத்திரங்களை தேர்ந்தெடுத்து நடிக்க ஆரம்பித்தார்.

அந்த வகையில் அறம், மாயா, கோலமாவு கோகிலா, ஐரா, இமைக்கா நொடிகள் போன்ற முக்கிய திரைப்படங்கள் ரசிகர்கள் மத்தியில் பெரும் வரவேற்பை பெற்றது. 

சமீபத்தில் அவர்  தனது காதலரான இயக்குனர் விக்னேஷ் சிவனை திருமணம் செய்து கொண்டார். இந்த தம்பதியினருக்கு வாடகை தாய் மூலம் இரட்டை குழந்தை பெற்றெடுத்தனர்.

இந்த நிலையில் 'மாயா' திரைப்படத்தை இயக்கிய இயக்குனர் அஸ்வின் சரவணன் இயக்கத்தில் நடிகை நயன்தாரா கனெக்ட் என்ற திரைப்படத்தில் நடித்துள்ளார்.

இதனிடையை 'கனெக்ட்' திரைப்படத்தின் டீஸர் மற்றும் ட்ரெய்லர் வெளியாகி ரசிகர்களிடையே நல்ல வரவேற்பை பெற்றுள்ளது. இந்த திரைப்படம் டிசம்பர் 22ஆம் தேதி திரையரங்கில் வெளியாக உள்ளதாக படக்குழு அறிவித்துள்ளது.

இந்த நிலையில் தற்போது கனெக்ட் படத்திற்கு சிக்கல் வந்துள்ளது.  கனெக்ட் படம் இடைவேளை இன்றி (99 நிமிடங்கள்) திரையிடப்படும் என்று ஏற்கனவே இயக்குனர் அஷ்வின் சரவணன் அறிவித்திருந்த நிலையில், இப்படத்திற்கு ரசிகர்கள் மத்தியில் எதிர்பார்ப்பு இருந்து வந்தது.  இந்நிலையில் திரையரங்கு உரிமையாளர்கள் தற்போது 'கனெக்ட்' படத்தை திரையரங்குகளில் வெளியிட மறுப்பு தெரிவித்துள்ளனர்.