கோலிவுட்டில் ஐயா திரைப்படத்தின் மூலமாக ஹீரோயினாக அறிமுகமானவர் தான் நடிகை நயன்தாரா. அதன்பின்னர் அவர் சந்திரமுகியில் நடிகர் ரஜினிக்கு ஜோடியாக நடித்திருந்தார். ரஜினியுடன் நடித்தது தொடர்ந்து நயன்தாராவின் மார்க்கெட் உயர ஆரம்பித்தது.

அதன்பிறகு தல அஜித் மற்றும் தளபதி விஜய் உள்ளிட்ட முன்னணி நடிகர்களுடன் நயன்தாரா ஜோடி போட ஆரம்பித்தார். ஒரு காலகட்டத்தில் ஹீரோயினாக நடிப்பதை விடுத்து நயன்தாரா ஹீரோயின்களுக்கு முக்கியத்துவம் வாய்ந்த கதாபாத்திரங்களை தேர்ந்தெடுத்து நடிக்க ஆரம்பித்தார்.

அந்த வகையில் அறம், மாயா, கோலமாவு கோகிலா, ஐரா, இமைக்கா நொடிகள் போன்ற முக்கிய திரைப்படங்கள் ரசிகர்கள் மத்தியில் பெரும் வரவேற்பை பெற்றது. 

சமீபத்தில் அவர்  தனது காதலரான இயக்குனர் விக்னேஷ் சிவனை திருமணம் செய்து கொண்டார். இந்த தம்பதியினருக்கு வாடகை தாய் மூலம் இரட்டை குழந்தை பெற்றெடுத்தனர்.

இந்நிலையில் நடிகை நயன்தாராவின் பிறந்த நாளான நவம்பர் 18ம் தேதி 'கனெக்ட்' திரைப்படத்தின் டீஸர் வெளியிடப்பட்டது. இந்த படத்தை 'மாயா' திரைப்படத்தை இயக்கிய இயக்குனர் அஸ்வின் சரவணன் இயக்கியுள்ளார்.

இந்த நிலையில் வரும் டிசம்பர் 22ம் தேதி இந்த படம் திரையரங்குகளில் வெளியாக உள்ளதாக அறிவிக்கப்பட்டுள்ளது. 99 நிமிடங்கள் இந்த படத்தின் ரன்னிங் டைம் இருக்கும் இந்த படத்திற்கு சென்சாரில் யு/ஏ சான்று கிடைத்துள்ளது.