ரோபோ சங்கரின் மறுபக்கம்: ஆணழகன் போட்டியில் அசத்தல்! வைரலாகும் புகைப்படம்!

தனியார் தொலைக்காட்சியில் நகைச்சுவை நிகழ்ச்சிகளில் மிமிக்ரி ஆர்டிஸ்ட் ஆக பயணத்தை தொடங்கியவர் ரோபோ சங்கர்.

அதன் பிறகு இவர் தமிழ்த் திரையுலகில் தீபாவளி, வாயை மூடி பேசவும், மாரி, புலி உள்ளிட்ட பல படங்களில் நகைச்சுவை நடிகராக நடித்து தனக்கென ரசிகர் பட்டாளத்தை உருவாக்கியுள்ளார்.

மேலும் தமிழ் திரையுலகில் முன்னணி நடிகர்களின் படங்களிலும் தனது நடிப்பை வெளிப்படுத்தி பாராட்டுகளை பெற்றார்.

இவர் ஆணழகன் போட்டியிலும் பங்கேற்று மிஸ்டர் மதுரை, மிஸ்டர் தமிழ்நாடு போன்ற பட்டங்களையும் பெற்றுள்ளார். இவர் ரசிகர்களை ரோபோ போன்று உடலை அசைத்து கவர்ந்ததால் இவருக்கு ரோபோ சங்கர் என பெயர் வந்தது.

நல்ல உடல் உடன் இருந்த இவருக்கு மஞ்சள் காமாலை பாதிக்கப்பட்டு மிகவும் மெலிந்து காணப்பட்டார். இதனை தொடர்ந்து இவர் பல முயற்சிகளுக்கு பின்னர் மீண்டும் பழைய நிலைமைக்கு திரும்பி வருகிறார்.

இந்நிலையில் மதுரையில் நடைபெற்ற 37 வது ஆணழகன் போட்டியில் ரோபோ சங்கர் 25 ஆண்டுகளுக்கு பின்னர் பங்கேற்று சிறப்பு விருந்தினருக்கான பிரிவில் தனது கட்டுமஸ்தான உடல் பாவனைகளை செய்து காட்டி அசத்தினார்.

இது தொடர்பான புகைப்படங்கள் தற்போது சமூக வலைதளங்களில் வைரலாகி வருகிறது.