நடுரோட்டில் கவிழ்ந்த ரெயில் பெட்டி: இரண்டாக பிளந்த லாரி! நடந்தது என்ன?

பீகார் பாகல்பூரில் உள்ள உல்டாபுல் என்ற இடத்தில் லாரி ஒன்று ரயில் பெட்டியை ஏற்றி சென்றபோது விபத்துக்குள்ளானது.

பீகார், பாகல்பூரில் இன்று காலை ரயில் பெட்டியை ஏற்றி சென்ற லாரியில் திடீரென பிரேக் செயலிழந்து விபத்துக்குள்ளானது. இந்த விபத்தில் லாரி இரண்டாக உடைந்து நொறுங்கியதில் ரயில் பெட்டி சாலையில் கவிழ்ந்தது.

இந்த விபத்தினால் யாருக்கும் எந்த ஒரு பாதிப்பு ஏற்படவில்லை என தகவல் வெளியாகியுள்ளது. கடந்த 2 நாட்களுக்கு முன்பு பீகாரில் சாலை வழியாக பழுதடைந்த விமானம் ஏற்றி சென்ற போது மேம்பாலம் அடியில் சிக்கிக்கொண்டது.

இதனை தொடர்ந்து, தற்போது சாலையில் ரயில் பெட்டி கவிழ்ந்து விபத்துக்குள்ளாகியுள்ளது அந்த பகுதியில் பெரும் பரபரப்பை ஏற்படுத்தியுள்ளது.