சொகுசு விடுதியில் 3 இளம்பெண்கள் துடிதுடித்து பலி! வெறும் 6 அடி தான் - அதிர்ச்சி பின்னணி!

கர்நாடக மாநிலம், மங்களூரு அருகே ஒரு தனியார் பீச் ரிசார்ட்டின் நீச்சல் குளத்தில் மூழ்கி மூன்று இளம்பெண்கள் உயிரிழந்த சம்பவம் பெரும் சோகத்தை ஏற்படுத்தியுள்ளது.

மங்களூருவின் புறநகரில் அமைந்துள்ள உச்சிலா கடற்கரைக்கு அருகே நிகழ்ந்த இந்த விபத்தில், மைசூரை சேர்ந்த நிஷிதா, பார்விதி, மற்றும் கீர்த்தனா என்ற மூவர் உயிரிழந்துள்ளனர் என அடையாளம் காணப்பட்டுள்ளது.

அந்த நீச்சல் குளத்தின் ஒரு பகுதி 6 அடி ஆழமாக இருந்ததால், முதலில் ஒருவருக்குத் தண்ணீரில் மூழ்கி உயிரிழந்திருக்க வாய்ப்பு உள்ளதாக தகவல் வெளியாகியுள்ளது.

அவரை காப்பாற்ற முயற்சித்த மற்ற இரண்டு பெண்களும் மூழ்கியிருக்கலாம் என போலீசார் சந்தேகம் தெரிவிக்கின்றனர்.

இந்த சம்பவம் தொடர்பாக போலீசார் வழக்குப்பதிவு செய்து, விபத்து நடந்த சூழல் மற்றும் காரணங்களை உறுதிப்படுத்த தொடர்ந்து விசாரணை நடத்தி வருகின்றனர்.