பரபரப்பு! விமானத்தில் இ-சிகரெட் புகைத்த நபர் கைது!

விமானத்தில் இ-சிகரெட் புகைத்த நபரால் விமானத்தில் பெரும் பரபரப்பு ஏற்பட்ட நிலையில், இ-சிகரெட் புகைத்த பயணி மீது வழக்கு பதிவு செய்யப்பட்டுள்ளது தகவல் வெளியாகி உள்ளது.

விமானத்தில் சிகரெட் புகைப்பது சமீப காலமாக தொடர்ந்து நடைபெற்று வருகிறது. சமீபத்தில் விமானத்தில் பயணி ஒருவர் கழிவறையில் புகைபிடித்த சம்பவம் பெரும் பரபரப்பை ஏற்படுத்தியது. இந்த நிலையில் தமிழகத்தின் கோவையில் இருந்து மும்பைக்கு தனியார் விமானம் ஒன்று புறப்பட்டு உள்ளது.

இந்த விமானம் நடுவானில் சென்றுகொண்டிருந்தபோது பயணிகள் இருக்கை பகுதியில் இருந்து புகை வருவதை கண்டுபிடித்துள்ளனர். இதுபற்றி விசாரித்தபோது கனிஷ் ராஜ்புத் என்ற பயணி இ சிகரெட் புகைத்தது தெரியவந்துள்ளது. அவரிடம் இருந்து இ-சிகரெட் பறிமுதல் செய்யப்பட்டது.

விமானம் பூமியில் தரை இறங்கியவுடன் அவரை பிடித்து போலீசாரிடம் ஒப்படைத்தனர். அவர் மீது சாகர் போலீசார் வழக்கு பதிவு செய்து விசாரணை நடத்தி வருவதாக தகவல் வெளியாகி உள்ளது.