பீகார் மாநிலதில் உள்ள ராஜ்கிரில் நாலந்தா பல்கலைக்கழகத்தின் புதிய வளாகத்தை பிரதமர் நரேந்திர மோடி திறந்து வைத்தார். இந்த கல்வி நிறுவனம் கடந்த 2010ஆம் ஆண்டில் நாளந்தா பல்கலைக்கழக சட்டத்தின் மூலம் நிறுவப்பட்டது மற்றும் அது 2014ஆம் ஆண்டு முதல் செயல்படத் தொடங்கியது.

ஐந்தாம் நூற்றாண்டிலிருந்து இருந்த பழமையான நாளந்தா பல்கலைக்கழகம், உலகம் முழுவதிலுமிருந்து மாணவர்களை ஈர்த்தது. வரலாற்று ஆய்வாளர்கள் கூற்றுப்படி, 12 ஆம் நூற்றாண்டில் படையெடுப்பாளர்களால் அழிக்கப்படுவதற்கு முன்பு இந்த பல்கலைக்கழகம் 800 ஆண்டுகள் செழித்து வளர்ந்தது.

இந்த நாளந்தா பல்கலைக்கழக திறப்பு விழாவுக்கு முன், யுனெஸ்கோவின் உலக பாரம்பரிய சின்னமான பழமையான நாளந்தாவின் இடிபாடுகளை பிரதமர் நரேந்திர மோடி பார்வையிட்டார். இந்த இடிபாடுகளில் ஸ்தூபிகள், கோவில்கள், குடியிருப்பு மற்றும் கல்வி கட்டிடங்கள் மற்றும் ஸ்டக்கோ, கல் மற்றும் உலோகத்தில் உள்ள முக்கியமான பல கலைப்படைப்புகள் உள்ளன.

பிரதமரின் நாலந்தா வருகையை முன்னிட்டு பலத்த பாதுகாப்பு ஏற்பாடுகள் செய்யப்பட்டுள்ளன. இந்தியாவின் பாட்னா வட்டத்தின் தொல்பொருள் சங்கத்தின் கண்காணிப்பாளர் கௌதமி பட்டாச்சார்யா அவர்கள் புராதன இடிபாடுகள் பற்றி பிரதமர் நரேந்திர மோடியிடம் விளக்கினார்.

இது நமது கல்வித் துறைக்கு மிகவும் சிறப்பு வாய்ந்த நாள். நாளந்தா பல்கலைக்கழகத்தின் புதிய வளாகம் ராஜ்கிரில் திறக்கப்படும். நாளந்தா நமது புகழ்பெற்ற கடந்த காலத்துடன் வலுவான தொடர்பைக் கொண்டுள்ளது. இளைஞர்களின் கல்வித் தேவைகளைப் பூர்த்தி செய்வதில் இந்தப் பல்கலைக்கழகம் நிச்சயமாக நீண்ட தூரம் செல்லும் என்று தனது நாளந்தா பயணத்திற்கு முன், பிரதமர் மோடி தனது X பக்கத்தில் பதிவிட்டார்.