திமுக வேட்பாளர் திடீரென மாரடைப்பால் உயிரிழப்பு..!!
anthiyur dmk candidate passed away
அந்தியூர் அருகே திமுக வேட்பாளர் எம்.ஐயப்பன் என்பவர் மாரடைப்பு காரணமாக உயிரிழந்தார்.
தமிழகத்தில் வருகின்ற 19ஆம் தேதி நகர்ப்புற உள்ளாட்சி அமைப்பு ஒரே கட்டமாக தேர்தல் நடைபெற உள்ளது. தற்போது இறுதிக்கட்ட பிரச்சாரத்தில் அனைத்துக் கட்சி வேட்பாளர்கள் மற்றும் சுயேட்சை வேட்பாளர்களும் ஈடுபட்டுள்ளனர்.
தேர்தல் பிரச்சாரம் இறுதி கட்டத்தை எட்டியுள்ளதால், திமுக மற்றும் கூட்டணி கட்சிகளை ஆதரித்து தமிழக முதல்வரும், திமுக தலைவருமான மு க ஸ்டாலின் காணொலி காட்சி வாயிலாக பிரச்சாரங்களை மேற்கொண்டு வருகிறார். மேலும் திமுக அமைச்சர்கள் தமிழகம் முழுவதும் பிரச்சாரங்களை மேற்கொண்டு வருகின்றனர்.
இந்நிலையில், ஈரோடு மாவட்டம், அந்தியூர் அருகே திமுக வேட்பாளர் எம்.ஐயப்பன் என்பவர் மாரடைப்பு காரணமாக உயிரிழந்தார். அவரது மறைவு திமுகவினர் மத்தியில் சோகத்தை ஏற்படுத்தி உள்ளது.
இதற்கு முன்னதாக விருதுநகர் மாவட்டம் வத்திராயிருப்பு பேரூராட்சி இரண்டாவது வார்டு திமுக சார்பில் போட்டியிடும் வேட்பாளர் முத்தையா என்பவர் மாரடைப்பால் உயிரிழந்தது குறிப்பிடத்தக்கது.
English Summary
anthiyur dmk candidate passed away