டி20 உலக கோப்பை இந்திய அணிக்கு எதிரான 2வது அரையிறுதி போட்டியில் இங்கிலாந்து அணி பவுலிங் தேர்வு செய்துள்ளது.

ஐசிசி 8வது டி20 உலகக் கோப்பை ஆஸ்திரேலியாவில் நடைபெற்று வந்த நிலையில், தற்போது இறுதி கட்டத்தை எட்டியுள்ளது. இதில், சூப்பர் 12 சுற்று போட்டிகள் முடிவடைந்த நிலையில் அரையிறுதி மற்றும் இறுதி போட்டிகள் நடைபெற உள்ளது.

இதில் சூப்பர் 12 சுற்றுகளின் முடிவில் நியூஸிலாந்து, இங்கிலாந்து, இந்தியா மற்றும் பாகிஸ்தான் அணிகள் அரையிறுதிக்கு முன்னேறியது. அதனைத் தொடர்ந்து இன்று நடைபெற்ற முதல் அரையிறுதி போட்டியில் நியூசிலாந்தை வீழ்த்தி பாகிஸ்தான் அணி இறுதிப்போட்டிக்கு முன்னேறியுள்ளது.

அதனைத் தொடர்ந்து இன்று மதியம் 1.30 மணிக்கு அடிலெய்ட் மைதானத்தில் நடைபெறும் 2வது அரையிறுதி போட்டியில் இந்தியா - இங்கிலாந்து  அணிகள் மோதுகின்றன.

இந்திய அணியில் கடந்த போட்டியில் விளையாடிய ரிஷப் பந்த் இந்த போட்டியிலும் விளையாடுகிறார்.

அதேபோல், இங்கிலாந்து அணியில் காயம் காரணமாக டேவிட் மாலன் மற்றும் மார்க் வுட் ஆகியோருக்கு பதிலாக பிலிப் சால்ட் மற்றும் க்ரிஸ் ஜோர்டான் ஆகியோர் விளையாடுகின்றனர்.

அணி விவரம்

இந்திய அணி 11 வீரர்கள் :

கேஎல் ராகுல், ரோஹித் சர்மா(கே), விராட் கோலி, சூர்யகுமார் யாதவ், ஹர்திக் பாண்டியா, ரிஷப் பந்த்(வி.கீ), அக்சர் படேல், ரவிச்சந்திரன் அஷ்வின், புவனேஷ்வர் குமார், முகமது ஷமி, அர்ஷ்தீப் சிங்.

இங்கிலாந்து அணி 11 வீரர்கள் :

ஜோஸ் பட்லர்(w/c), அலெக்ஸ் ஹேல்ஸ், பிலிப் சால்ட், பென் ஸ்டோக்ஸ், ஹாரி புரூக், லியாம் லிவிங்ஸ்டோன், மொயீன் அலி, சாம் கர்ரன், கிறிஸ் ஜோர்டான், கிறிஸ் வோக்ஸ், அடில் ரஷித்.

டி20 போட்டிகளில் இதுவரை நேருக்கு நேர்

டி20 போட்டிகளில் இந்தியா இங்கிலாந்து அணிகள் இதுவரை 22 போட்டிகளில் நேருக்கு நேர் மோதியுள்ளனர். இதில் இந்தியா 12 போட்டிகளிலும், இங்கிலாந்து 10 போட்டிகளிலும் வெற்றி பெற்றுள்ளது.

டி20 உலக கோப்பையில் இதுவரை நேருக்கு நேர்

டி20 உலக கோப்பையில் இவ்விரு அணிகளும் 3 போட்டிகளில் நேருக்கு நேர் மோதியுள்ளன. அதில், 2 போட்டிகளில் இந்திய அணியும், ஒரு போட்டியில் இங்கிலாந்து அணியும் வெற்றி பெற்றுள்ளது.