சென்னை மக்கள் கவனத்திற்கு: புதிய ‘சாட்பாட்’ வசதி அறிமுகம் - பயன்படுத்திக் கொள்ளுங்கள்!
Chennai corporation bus service chart bot
மாநகர போக்குவரத்துக் கழகம், பயணிகளின் சேவையை மேம்படுத்த புதிய ‘சாட்பாட்’ வசதியை அறிமுகப்படுத்தியுள்ளது.
மாநகர பேருந்துகளில் பயணிக்கும் மக்களின் புகார்கள் மற்றும் கருத்துக்களை பெற, பயணிகள் புகார் பிரிவு, கட்டணமில்லா எண் 149, மின்னஞ்சல், சமூக ஊடகங்கள் ஆகியன செயல்பட்டு வருகின்றன. இப்போது, பயணிகள் மேலும் வசதியாக புகார்கள் தெரிவிக்க மற்றும் தகவல் பெற, வாட்ஸ்-அப் ‘சாட்பாட்’ சேவை தொடங்கப்பட்டுள்ளது.
இந்த வசதிக்கு 94450 33364 என்ற எண்ணில் ‘Hi’ என அனுப்பினால், விசாரணை, புகார், தவறவிட்ட பொருட்கள், புகாரின் நிலை, கருத்துகள் மற்றும் பரிந்துரைகள் போன்ற விருப்பங்கள் திரையில் தோன்றும். பயணிகள் தேவையான விருப்பத்தை தேர்வு செய்து உரையாடலை தொடரலாம்.
இதன் மூலம் பேருந்து சேவைகள், பணியாளர்கள் தொடர்பான புகார்களை பதிவு செய்யலாம். கூடுதலாக, சேவையின் தரத்தை மதிப்பீடு செய்யவும் இந்த வசதி உதவும் என்று சொல்லப்படுகிறது.
English Summary
Chennai corporation bus service chart bot