திருநெல்வேலி, கரிசல்பட்டி சாலையில் சென்று கொண்டிருந்த ஆட்டோவை வழிமறித்து ஓட்டுநர் விஜயகுமாரை அறிவாளால் சரமாரியாக 5 பேர் கொண்ட கும்பல் வெட்டி கொலை செய்துவிட்டு தப்பி சென்றது. 

இது குறித்து தகவல் அறிந்த முன்னீர்பள்ளம் போலீசார் சம்பவ இடத்துக்கு விரைந்து சென்று விஜயகுமார் உடலை கைப்பற்றி பிரேத பரிசோதனைக்காக திருநெல்வேலி அரசு மருத்துவமனைக்கு அனுப்பி வைத்தனர். 

இது தொடர்பாக நெல்லை மாவட்ட போலீசார் மற்றும் சேரன்மகாதேவி துணை போலீசார் உள்ளிட்டோர் சம்பவ இடத்திற்கு வந்து விசாரணை நடத்தினர். 

விசாரணையில் கொலைக்கான காரணம் தெரியாததால், முன் விரோதம் காரணமாக கொலை நடந்ததா அல்லது வேறு ஏதாவது காரணம் உள்ளதா என பல கோணங்களில் விசாரணை மேற்கொண்டு வருகின்றனர். 

இதனை தொடர்ந்து விஜயகுமார் கரிசல்பட்டி கிராமம் வழியாக தோட்டத்திற்கு வேலைக்காக தனது ஆட்டோவில் ஆட்களை ஏற்றிச் சென்று இறக்கிவிட்டு மீண்டும் அதே வழியில் வீடு திரும்புவார். 

இதனை நோட்டமிட்ட மர்ம நபர்கள் இந்த கொலை சம்பவத்தில் ஈடுபட்டிருக்கலாம் என போலீசார் கருதுகின்றனர். கொலை சம்பவம் காட்டுப்பகுதியில் நடந்தது என்பதால் சிசிடிவி கேமராக்களும் இல்லை. 

இதனால் கொலையாளியை பிடிக்க 4 தனிபடைகள் அமைக்கப்பட்டு தீவிரமாக விசாரணை நடத்தப்பட்டு வருவதாக போலீசார் தெரிவித்துள்ளனர்.