சேலம் : 12 வயது சிறுமிக்கு பாலியல் தொந்தரவு - தொழிலாளி கைது

சேலம் மாவட்டத்தில் 12 வயது சிறுமிக்கு பாலியல் தொந்தரவு கொடுத்த தொழிலாளியை போலீசார் போக்சோவில் கைது செய்தனர்.

சேலம் மாவட்டம் சங்ககிரி பகுதியை சேர்ந்தவர் கூலித்தொழிலாளி பூங்காவனம் (50). இவர் அதே பகுதியை சேர்ந்த 12 வயதுடைய சிறுமிக்கு பாலியல் தொந்தரவு கொடுத்துள்ளார். இதனால் சிறுமி பயந்துபோய் அங்கிருந்து வீட்டிற்கு ஓடி வந்து, இது குறித்து தாயிடம் கூறியுள்ளார்.

இதைக்கேட்டு அதிர்ச்சி அடைந்த சிறுமியின் தாய் இந்த சம்பவம் குறித்து சங்ககிரி அனைத்து மகளிர் காவல் நிலையத்தில் புகார் கொடுத்தார். இதையறிந்த பூங்காவனம் தலைமறைவானார். இதைத்தொடர்ந்து இந்த புகார் அடிப்படையில் வழக்கு பதிவு செய்த போலீசார் தலைமறைவான பூங்காவனத்தை தீவிரமாக தேடி வந்தனர். இந்நிலையில் நேற்று பூங்காவனத்தை கைது செய்த போலீசார், தீவிரமாக அவரிடம் விசாரணை மேற்கொண்டு வருகின்றனர்.