கலிபோர்னியாவில் சீனப் புத்தாண்டு விழாவில் துப்பாக்கிச் சூடு - 10 பேர் பலி

கலிபோர்னியாவில் சீன புத்தாண்டு நிகழ்ச்சியில் நடந்த துப்பாக்கிச் சூட்டில் 10 பேர் உயிரிழந்துள்ளனர்.

அமெரிக்காவின் கலிபோர்னியா மாகாணத்தின் மான்டேரி பூங்காவில் சீன சந்திர புத்தாண்டை கொண்டடுவதற்காக பல்லாயிரக்கணக்கான மக்கள் திரண்டு இருந்தனர். அப்பொழுது நிகழ்ச்சியில், எதிர்பாராத விதமாக அடையாளம் தெரியாத நபர் மக்களை நோக்கி சரமாரியாக துப்பாக்கி சூடு நடத்தியதாக லாஸ் ஏஞ்சல்ஸ் டைம்ஸ் செய்தி நிறுவனம் தெரிவித்துள்ளது.

இந்த துப்பாக்கி சூட்டில் குறைந்தது 10 பேர் உயிரிழந்துள்ளதாகவும், ஏராளமானோர் படுகாயமடைந்த நிலையில் சிகிச்சைக்காக மருத்துவமனையில் அனுமதிக்கப்பட்டுள்ளதாக தெரிவிக்கப்பட்டுள்ளது.

மேலும் அமெரிக்காவில் துப்பாக்கி சூட்டிற்கு எதிராக கடுமையான சட்டங்கள் இயற்றியபோதும் துப்பாக்கிச்சூடு சம்பவங்கள் அதிகரித்து வருவது கவலை அளிப்பதாக காவல்துறையினர் தெரிவித்துள்ளனர்.